Шымкент қаласындағы Қазақстан халқы Ассамблеясы ғимаратында мерекелік жиын өтті. Корейлердің Қазақстанға келу тарихынан сыр шертетін көрме ұйымдастырылып, ұлттық тағамдары, мәдениеті, салт-дәстүрі көпшілікке таныстырылды.
Шымкент қаласында Олимпиада чемпионы Бекзат Саттархановтың өмірі мен спорттағы жетістігі туралы биографиялық фильмнің алдын ала жабық көрсетілімі өтті. Көрсетілім аясында қала әкімі Ерлан Айтаханов «Хабар» агенттігі» АҚ басқарма төрағасының бірінші орынбасары Ринат Кертаевты қабылдады.
Бүгін Түркістан облысында «ТҮРКСОЙ» Халықаралық ұйымының, Түркістан облысы әкімдігінің ұйымдастыруымен Түрік кеңесінің 10 жылдығына орай «ТҮРКСОЙ» Жастар камералық оркестрінің концерті Түркістан қаласында өтті.
Ордабасы ауданының құрылғанына 55 жылдығына арналған салтанатты іс-шара бүгін таңнан бастау алды. Бекітілген бағдарламаға сәйкес, Темірлан қаласындағы Қажымұқан атындағы орталық стадионда эстафеталық марафон өтіп, ауданның мақтанышы, белгілі балуан Абзал Арыстанбек мерекелік жалауды көтерді.
ҚР Мәдениет және спорт министрлігі, ТҮРКСОЙ Халықаралық ұйымы, Түркістан облысы әкімдігінің ұйымдастыруымен Түрік кеңесінің 10 жылдығына орай ТҮРКСОЙ Жастар камералық оркестрінің концерті Түркістан қаласында бастау алады. Бұл туралы Жастар ресурстық орталығында өткен баспасөз-мәслихатында ТҮРКСОЙ Халықаралық ұйымының Бас хатшысы Дүйсен Қасейінов мәлімдеді.
«Арыстағы вокзалды жоғалтудамыз! Тарихи-мәдени нысанды бұзып жатыр!». Әлеуметтік желі мен жергілікті басылым беттерінде осындай жаңалық тарап еді. Бұл жалған ақпарат болып шықты. 115 жылдық тарихи ғимаратты ешкім бұзбайды. Керісінше, Арыстағы апаттан зақымданған «Арыс-1» теміржол вокзалы қайта қалпына келіп, жаңаланады.
Ел болашағының баянды да тұғырлы болуы – сол елдің жастарының қолында. Ал жастардың тың идеяларына қолдау білдіру әрқашанда маңызды. Биылғы Жастар жылына орай Түлкібас ауданында жастардың көтерген меселелерін қолдау мақсатында ауқымды шаралар іске асуда. Солардың бірі – «Жастар аллеясы».
Бүгін Түркістан облысына бір топ шетелдік басылымдардың тілшілері келіп, Арыстанбаб, Қожа Ахмет Ясауи кесенелеріне саяхат жасады. Елбасының «Рухани жаңғыру» бағдарламасының «Жаһандағы заманауи қазақстандық мәдениет» жобасын халықаралық деңгейде ілгерілету шеңберінде шетелдік БАҚ өкілдерінің қатысуымен өткен мәдени баспасөз туры Қазақстан Республикасы Сыртқы істер министрлігі және Түркістан облысы әкімдігінің ұйымдастыруымен өтті.