Түркістан облысын дамытуға Үкімет ерекше екпін беріп отыр. Осы мақсатта облыс орталығында азық-түлік пен жасыл белдеулерді қалыптастыру, диқандарды ағын сумен қамтамасыз ету, Түркістан қаласын көгалдандыру және абаттандыру үшін серпінді жобаларіске асырылып жатыр. Бұл туралы облыстық мәслихаттың кезекті 38-сессиясында Түркістан облысының әкімі Өмірзақ Шөкеев мәлімдеді.
Түркістан облысы әкімінің орынбасары Мейіржан Мырзалиев «Атамекен» кәсіпкерлер палатасының облыстық филиалында «Қарапайым заттардың экономикасы» жобалық кеңсе жиынын өткізді. Онда шағын және орта бизнесті дамыту, инвестиция тарту мәселелері әңгіме арқауына айналды.
Бүгін облыс әкімінің орынбасары Ербол Садыр бастаған жұмыс тобы іссапармен Төлеби ауданына табан тіреді. Топтың құрамында облыстық ауыл шаруашылығы басқармасының басшысы Нұрбек Бадырақов және аталмыш басқарманың қызметкерлері болды.
Жиынға аудан әкімі Жамантай Бейсенбаев, Түркістан облысының іскер әйелдер кеңесінің төрайымы Салтанат Төлегенова, «Атамекен» ҰҚП Жетісай аудандық филалының директоры Талғат Бапаев, Түркістан облысының іскер әйелдер кеңесінің төрайымының орынбасары Нұржамал Маусова және ауданның бір топ іскер әйелдері қатысты. Басқосуда сөз алған аудан басшысы кәсіпкер әйелдердің экономикалық белсенділігін ынталандыру, әйелдер арасында кәсіпкерлікті дамыту аясында сөз қозғап, көпшілікке Жетісай аудандық іскер әйелдер кеңесінің жаңа басшысын таныстырды. Аталған қызметті бұдан былай Назипа Алтаева атқаратын болады.
Суармалы жер мемлекетіміздің алтын қоры десек, «ақ алтынымен» танымал Мақтаарал ауданына қарасты 61 мың гектарға жуық егістік алқаптың барлығы да суармалы жер екені белгілі. Соңғы жылдары жер асты суларының тез көтерілуі жердің сорлануына алып барып, аудан шаруаларының мол өнім алуына кедергі келтіріп жүргені үлкен мәселеге айналған еді. Одан қалса, коллекторлық жүйелердің тазаланбауы, каналдар мен арық-атыз бетондарының шіруі немесе мүлде болмауы егістік алқаптарына су жеткізуді қиындата түсті. Міне, мәселені шешу үшін мемлекетіміз қыруар қаржы бөліп, ПУИД-2 жобасының І кезеңін жүзеге асыруды бастап та кетті.
Еліміздегі«ақ алтынның» отаны саналатын Мақтаарал ауданында жалпы көлемі 61 мың гектарға жуық жер бар болса, биыл соның 38 мың гектардан асасына мақта дақылы егілген. Шаруалардың зиянкестерге төтеп беруін және агротехникалық шараларды дұрыс жүргізуін ұйымдастырып, күзде мол өнім жинауына жағдай жасау — аудан әкімдігінің басты міндеті. Міне, бүгін аудандық ауыл шаруашылығы бөлімінің ұйымдастыруымен дәл осы мақсатта семинар-кеңес өтті.
Сарыағаштың жері құнарлы, халқы еңбекқор. Ауа райы да ауылшарушылығы өнімдерін өндіруге қолайлы. Ауданның диқандары аядай жердің өнімін алыс-жақын шет елге саудалайды. Еліміздегі ауылшаруашылығы саласындағы жылыжайдың 60%-ын осы Сарыағаш ауданы игеріп отыр.
Әлеуметтік мәселелерінің дені оң шешімін тапқан Түлкібас ауданында автомобиль жолдары мен елді мекен көшелерін жөндеу жұмыстары қарқынды іске асуда.